COMHAIRLEACHADH SOLARAIDH

Anns a' chiad dol a-mach, tha deagh thuigse againn air na dh'fheumas deadh chuireadh airson tairgse - airson an dà thaobh.  Bheir sinn cuideachadh dhuibh gun dèid agaibh an sgrìobhainn chudromach sin a dhèanamh gu ceart - gun urrainn dhuibh tuigsinn mar a lìbhrigeas e na toraidhean a tha a dhìth air a' bhuidheann agaibh.  Bheir sinn comhairle dhuibh as dèidh na h-ìre taghaidh air mar a bhrosnaicheas sibh deagh cheangal eadar an dà thaobh. 'S e buannachd dhan dithis a tha fa-near dhuinne.

• Comhairleachadh - ma bhios deagh thuigse agaibh air na tha sibh ag iarraidh, nì sin cinnteach gum faigh sibh freagairtean dhan chuireadh gu tairgse agaibh bho na comhairlichean ceart.  A bharrachd air sin, tha sinn air na mìltean de sgrìobhainnean fhaicinn a bha airson innse dhan chliant na bhathar a' sùileachadh ris agus tha deagh fhios againn air na dh'fhaodas a dhol cearr. Gu ruige seo, cha bu cho-ionnan an rud a shònraich an cliant mar "an duilgheadas a bha feumach air fuasgladh" aig an tùs agus am fìor dhuilgheadas a bha air a chùlaibh anns gach cùis a chunnaic sinn.  Cha robh ach beagan eadar an dà uaireannan - ach faodaidh gum biodh buaidh mhòr aig rud beag fhathast.
  
  Faodaidh iomadh adhbhar a bhith air a chùlaibh, mar ìre an eòlais aig an fheadhainn a sgrìobh an sònrachadh, dè cho toinnte 's a tha an suidheachadh, an ùine agus na goireasan a tha ann... 's e liosta fada a tha ann.  Cha tachair seo ma tha na pròiseasan ceart ann 's a nì cinnteach gu bheilear a' tuigsinn nan duilgheadasan gu ceart MUS dèid fuasgladh iarraidh.
  
  Tha sinn fìor mhath air sònrachadh dhuilgheadasan, an rud a bhiodh dùil agaibh ris bho bhuidheann a tha a' coimhead air seo mar aon dhe na prìomh sgilean aige a lìbhrigeas luach.  'S ciall dha seo gun cuidich sinn sibh gur ann GU LUATH a gheibh sibh tuairisgeul air na tha a dhìth oirbh.  Bidh sinne toilichte gu leòr an uairsin leigeil leis an t-solairiche a thagh sibh fuasgladh airson an duilgheadais CHEART a thoirt dhuibh. Tha air cliantan air na milleanan de £ a shàbhaladh air an dòigh seo 's sinne a' dèanamh cinnteach gun robhar a' tòiseachadh san àite cheart bhon fhìor thoiseach.
   
• Gluasad dhan Taobh A-muigh - feumaidh crìoch shoilleir a bhith ann.  Agus ma bhios an dàimh air a deagh stiùireadh bhon toiseachd, bidh buannachdan mòra ann ri tìde.  Bha sinn an sàs gluasadan dhan taobh
  a-muigh air feadh an t-saoghail leis na com-pàirtichean againn agus shoirbhich leinn na rudan a b' fhearr fhaighinn bhon luchd-solair airson na cliantan againn.  Ged a tha "gluasad dhan taobh a-muigh" a' cur 'nar sùil gur e sin rud a b' àbhaist dhan companaid fhèin a bhith 'ga dhèanamh, cha chiall dha sinn gun urrainnear na h-aon phròiseasan stiùiridh a chleachdadh a bha ann roimhe.
   
• Solar Sheirbheisean - tha seo gu math coltach ri gluasad dhan taobh a-muigh, ged 's dòcha nach robh sibh a' solar nan seirbheisean seo sibh fhèin roimhe.  Bidh sinn ag obair còmhla ruibh gus dèanamh cinnteach gun stèidhich sibh dàimh a lìbhrigeas an luach as fhearr.